Verið hjartanlega velkomin á þetta námskeið um innsæi sem verður haldið þriðjudaginn 22. júlí kl. 19:30-21:00.
Námskeiðið er hluti af námskeiðaröðinni Listin að lifa
Leiðbeinandi: Stefanía Ólafsdóttir
Staðsetning: Lótushús, Garðatorgi, miðbæ Garðabæjar
Aðgangur er ókeypis og öll eru velkomin.
Skráning fer fram hér: https://lotushus.is/dagskra-skraning/
Um námskeiðið
Að kunna að hlusta á eigin innri rödd viskunnar, sem oft er kölluð innsæi, er grundvallaratriði ef við viljum vera trú sjálfum okkur í stað þess að reyna að þóknast, passa inn eða uppfylla væntingar annarra.
En hvað er þetta sem kallað er innsæi og hvernig getum við lært að skilja það betur og treysta því til að leiðbeina okkur í lífinu?
Á námskeiðinu munum við skoða þetta áhugaverða viðfangsefni í gegnum fræðslu, leiddar hugleiðslur og skriflegar æfingar.